حبيبي نام ياعمري على صدري وصارحني
وفض الصمت باحساسك وخل الحب لي يجري
وفضفض لي بعد عمري وعاتبني وفهمني
أنا أطري على بالك كثر ما أنته علي تطري؟!
تعال أقرب من أحضاني ترى خدك مواعدني
يبي يلامس شغف روحي ويقطف بوحي من شعري
تعال أنثر هنا ليلك وخل ويلك يولعني
أنا أحبك واريد قربك.. ترى مني قضى صبري
أنا نبضك زهر أرضك وأنت؟! ايه تملكني
بنحل خصرك ..جمر ثغرك وزود بلونك الخمري
تتوهني .. تغرقني.. ومن بردك تدثرني
وتبكي لي وتشكي لي وله قلبك ومن سحري
اريد دموعك مع أنفاسك بصدق الود تحرقني
اريد عطرك مع سحرك وآهك بالحشا تسري
أريدهمسك يبعثرني غلا ولمسك يلملمني
أريد عيونك من عيوني تذوب من الولع كثري
أريد عهدك مع وعدك وأريد كلك تسلمني
أريد أيدك تسافر بي وزهر قدك يلحفني
وأهيم بعالمك عاشق جنوني أنت .. وانت بي ش
تشوف الجمر بعيوني؟! تشوف الشوق جنني؟!
أجل تدري مثل ما أدري بأنك حلمي يابدري
حبيبي قوم وصارحني عن احساسك وعلّمني
أنا أطري على بالك ؟! كثر ما أنته علي تطري؟!
أحدث الصور 
